因為尋日update咗一篇
同時對上年12月有四十幾個views感到好好奇
於是研究咗一番blogger
google有咁多產品連keep都有獨立app
blogger竟然冇 有種自生自滅嘅感覺
唔知會唔會有消失嘅一日呢……
尋日立咗一立啲舊post
真係有種覺得自己又大個咗嘅感覺
之前有啲我成日反覆糾纏嘅問題冇咗
甚至好似有啲遙遠
例如創作上 多謝之前套劇
真心覺得自己進化咗
由識識得寫劇本 到真係識寫了嘅程度
呢個劇對我意義好重大
然後個人比以前更佛系
呢啲喺IG最近嘅post都有若略講下
可能主力係寫劇本
有少少覺得自己越來越唔識寫嘢
不過呢度向來都係自說自話
有冇logic都冇咩所謂了
上星期拎手信畀朋友
喺巴士上聽歌 突然有種不如幻想自己聽緊嘅係iPod嘅感覺
雖然係分別不大 但係感覺上好似喺意識上穿越咁
iPod exactly係我嘅青春年代
我最後一部iPod都好似腎腎地 應該聽唔返了
唔知第日會唔會興返呢﹖
而家啲人都興返CCD cam
潮流真係一樣好奇妙嘅嘢
好記得有位朋友講過一句「有一日發現自己已經老過啲當紅偶像」
廿幾歲好似唔係好耐之前嘅事
但原來已經係好耐好耐
有時會覺得自己冇好好把握後生嘅時間
雖然而家都冇把握自己嘅時間
所以去旅行真係好緊要 證明自己有過脫離routine生活嘅時間
如果我人生係一套電視劇 應該畀個咩名佢好呢﹖
No comments:
Post a Comment