我時常都會話自己係一個幸運嘅人
身邊有不少好朋友
係真係好朋友 唔係客套世故咁係人都稱呼做好朋友
今日約咗K出街 K係我中學同學
轉咗校之後本身我同J比較friend
後期先識到K
我嘅少女時代佢係一個重要人物
今朝我喺度諗其實K點解會同我keep住friend咁耐
究竟係咩原因 以前我脾氣咁唔好
不同嘅朋友你或多或少會知道點解會同佢哋sync
但同K呢我又講唔出 不過我哋過咗好多重要嘅時光
anyway今日我問佢之前我問阿媽嘅問題
就係如果有機會畀佢返返去一個時期
佢會想去返這個時間
佢同我一樣都係揀返中學至大學
我諗可能因為咁 就算我哋喜好唔算好相同
我哋會做到咁耐朋友
就係同佢成日都會諗十年後會點十年後會點
嚟到而家同想像中有好大出入
尋日睇YouTube有條片講metaphysics之類嘢
整個宇宙每一刻都係一個切片
未來現在將來一早已經記錄落嚟
話因為光速不變 所以假如一個外星人向外踩單車離開地球
又或者之後返返嚟
總之只要角度唔同咗
佢就可以睇到以前或將來
唔知我呢個連環圖繼續走落去會係點
No comments:
Post a Comment