一直都有舖整playlist癮
以前會好好心機咁幻想係為一套電影去做OST
往後都冇咁嘅閒情
唔記得舊年定前年整咗一個童年歌單
係一啲童年好鍾意聽嘅歌
屋企人鍾意聽歌所以由細到大我冇咩聽兒歌
係聽流行曲大
朋友講起啲咩兒歌我係零共鳴的
anyway 講返童年歌單
有一樣嘢好得意
我嘅記憶好易被天氣觸發
亦都同顏色好有關連
而我嘅童年我想用一隻亮麗嘅黃色去表達
所以呢個playlist用咗日本傳統顏色naming去起名
叫做花葉
然後呢一兩日突然好想整一個係少年時期嘅playlist
於是撫子就誕生
撫子係一種粉紅色 但又唔係粉得晒
好記得少女時代阿媽送過一支唇膏畀我係呢隻色
聽返呢堆歌又喚起好多少年回憶
前晚問我阿媽如果可以穿越返去以前
佢會想返去邊個年代
佢話1972年 嗰陣時係最開心
然後我問之後會唔會想再識返我老竇
佢話唔想
好彩佢冇好似啲戲咁 覺得自己一定要依循返過往軌跡
否則我同我家姐就會消失世上
如果佢有呢個機會 我想佢開開心心咁再活一次
避開所有嘅痛苦
我嘅存在唔係太重要
況且多元宇宙嘛
可能喺其他時空依然有我
而嗰啲可能係better version嘅我
就係想起呢隻歌所以又整playlist
以前唱K好鍾意唱
有個朋友話呢隻歌好啱我把聲
好想add呢隻 但冇呢個版本
Just in case 你或者想聽歌
雖然朋友話呢個blog嘅views係假views
但我都會當係有人睇～～<3
No comments:
Post a Comment