jaku

最近大家都一窩蜂去開其他社交平臺

對於一向鍾意追新嘢嘅我嚟講係有啲猶豫嘅

好似冇咩意思咁

社交平臺作用已經冇以前咁重要

平日都係睇吓嘢

就算唔用FB都有其他地方仲睇到

所以唔係好想刻意去開其他嘢

而要connect嘅人其實點都係connect到

由一個坑跳入另一個坑算唔算被科技控制住﹖

不過可能有日我都係會開嘅 到時先算

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

其實我唔知係咪我嘅氣場令人覺得我冇咩煩惱

係咪真係要開到口講先會知 哦原來你都有諗前途嘅

哦你都suffering嘅

人生很累 人同人之間嘅connection有時令人百上加斤

當初點解我會揀投胎去呢個家庭我都真係好想知

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

然後又話說已經好多年我煩創作的問題

身邊嘅朋友應該都聽到厭

最近因為畀人彈返一份初稿

然後經歷一次好似evaluation咁嘅審稿

而令我有啲新嘅領悟

一直以來我認為我struggle嘅係我冇咗創作力

我唔可以主動initiate故事

而我將寫手同作家比喻為連環殺手vs職業殺手

我覺得自己做唔到連環殺手

以我嘅資質只可以做到職業殺手

嗰晚之後我覺得喺香港係唔會有絕對的連環殺手的

反而係你要成為一個可以隨時switch去做連環殺手的職業殺手

或一個可以扮成職業殺手的連環殺手

你冇做professional嘅心係唔會做到一個好嘅殺手

呢個亦都係從睇造星中感受出來

二汶話：你鍾意唱歌其實你喺屋企唱就得，唔需要企上台唱

係喎，你要表演畀人睇都要有嘢值得畀人睇

否則同企上台唱K係冇分別

呢個同寫作一樣

你鍾意寫嘢喺工餘寫就得

做呢行有邊個唔鍾意寫嘢

咁點解有啲人寫得好你寫得唔好﹖

因為人哋有上台的準備 係去表演唔係去唱K

有呢個想法後我好似有少少目標方向

希望我可以做到一個扮成職業殺手的連環殺手

呢排鍾意呢隻歌鍾意到不得了