jaku

Facebook tag
咒怨之 16人的詛咒

規則：當你比人tag左，就要寫一篇note，內含16項有關你的事情，習慣，喜好，目標....或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你更深。
------------------------------------------------------------------------------------------------------

成日o係blog度講自己野，好多野大家都聽過上萬次，今次講d另類少少…盡量。

1. 好多時候我係一個problem solving既人。
例子：行去巴士站時發現趕不上，我會跑落山到下幾個站將巴士截住。好成龍哥哥feel的行為。

2. 我真係好鍾意唱歌，沖涼時把口係會唔停。但當水喉關左我會收聲，開返之後又唱，關左又收聲…因為我怕太大聲隔離屋聽到。

3. 偏好大眼同埋隻手暖既男子。

4. 對住心怡既對象，我既食量會好細。唔係怕醜，而係對住已經飽。

5. 雖然好肉地，但我身手靈活、柔軟，次次去按摩我都會自動摺埋，d姐仔都讚我好功夫。

6. 時常會不自覺怕扮阿秋(我隻狗)既谷谷聲怪叫。

7.唔好睇我講野冇尾音，個人好似硬過化石。其實我都幾依賴，鍾意撒嬌，同埋勁鍾意攬人。(咁當然唔係人人都領教到呢d野。)

8. 性格唔可愛，但好鍾意做d懶浪漫、懶有情趣又肉麻既野。

9. 偶爾會一個人去唱k。

10. yr1果年先深深體會自己係女仔。

11. 好鍾意洗衣舖陣味，由細到大都好嚮往o係洗衣舖做。

12. 平日都非常壓抑，但一遇到有好野食就會原形畢露。
例如：實習果年一直都表現正常(我覺得)，直至中秋節有冰皮月餅食，我忍唔住一路扮郭富城一路食。

13. 好鍾意不停loop住同一首歌聽，聽足一日係等閒事。

14. 由細到大有個花名叫奶咀，到宜家屋企人都會叫我阿奶、奶怪。

15. 夾公仔係我強項，試過一下夾兩隻，不過已經好耐冇玩。

16. 對數字冇咩概念，尤其係自己既年齡。