jaku

煩惱的一星期

星期一

又要去影相，老點我點半鐘去，我飯都冇得食死去時代廣場。
去到發現所有人去左食飯，我一個人呆等。
做野果陣一號成日都黑面，我都唔得閒理佢。
後來佢地掉低個guitar比我，比上次更重，
加埋個相機…最後我坐的士返去。
一整天都好慶。
收到二號第一封自瀆email，呢個名係核突左d，但我覺得真係好貼切。
收工前一號同新黎既女阿頭叫我去傾偈，
依然講到天花龍鳳，但宜家佢地既意圖已經好明顯。
佢地天真到以為一個做左8個月都未夠既新丁，
可以成為一間公司既命脈，未免太睇得起我。
我好難想像話比佢聽我辭職果個樣。

星期二

今日訪問方大同，佢勁可愛﹗﹗開心死。

星期三

連日來我地討論既題目都係幾時辭職，點樣辭職…
又要出去影相，基本上全日都冇做過網頁既野。
開會開到9點，死都要我去星期五個會，嬲到發皮四咁走。

星期四

一個星期內全公司人收到二號3封email，心態上已經完全改變，
由憤怒到恥笑。
同樣九點放工，已經冇咩野想講。

老孫教人點分手，咁有冇人可以教我點辭職﹖